القائمة الرئيسية

الصفحات

أساسيات تنفيذ و تصميم الاضاءة وأعمال الكهرباء الداخلية

 أساسيات تنفيذ و تصميم الاضاءة وأعمال الكهرباء الداخلية  :- 


في البداية في شوية #مصطلحات لازم تعرفها علشان تقدر تتعامل مع الصنيعي او المقاول او حتي المورد اللي هتشتري منه الخامات الخاصة ببند الكهرباء 

- البريزة العادية : هى مخرج الكهرباء ، الذى توضع فيه الفيش العادية للأجهزة ذات التيار المنخفض , مثل التليفزيون و شاحن التليفون والأجهزة الصغيرة ، وغالبا تكون بريزة 10 امبير.

- #بريزة_القوى : هى مخرج الكهرباء ، الذى توضع فيه الفيش العادية للأجهزة ذات القدرة العالية , مثل الثلاجة و سخانات المياه و بعض البوتاجازات او في حالة تجميع اكتر من جهاز عادي علي مشترك واحد  ، وتكون بريزة  16 او 26 امبير (تستخدم البريزة ال 26 : 30 أمبير مع السخان   

مراحل تأسيس الكهرباء :

1- اولاً بتحدد موضع لوحة التوزيع الرئيسية و بتقسيم لوحة التوزيع الى مفاتيح " قواطع تيار".

2- يقوم البعض بتخصيص مفتاح لكل فراغ , او مفتاحين أو ثلاثة  لكل فراغ

 احدهما للإضاءة و الاخر للبرايز مع تخصيص قاطع تيار لكل جهاز تكييف باللوحة او بجانب جهاز التكييف , و اخيراً يتم عمل قاطع رئيسى واحد لجميع الفراغ .

3- تحدد للكهربائى جميع المخارج المطلوبة منه بناءا على التصميم أو الفرش المعمارى و يقوم بتوقيعها على الحائط .  

4- يقوم الكهربائى بعد ذلك بمد المواسير بداية من لوحة التوزيع

من القاطع المخصص لكل فراغ و وصولاً الى جميع المخارج المطلوبة

 و الموجودة فى ذلك الفراغ , حيث يقوم بمدها على الارضية ثم الى الحوائط

 و منها الى الاسقف اذا لم تكن الاسقف مجهزة سابقا عند استلام العقار

 او ان كان هناك رغبة فى عمل شبكة اضاءة جديدة

5- تثبيت جميع المواسير فى اماكنها باستخدام اربطة من المونة

 او افيز معدنى.

6- بعد ذلك يقوم الكهربائى بتثبيت علب البرايز و المفاتيح و

 و اى علب اخرى خاصة بمخارج معينة , وهى فى العادة

 تكون علب بلاستيكية ذات فتحات جانبية لدخول مواسير الكهرباء بها.

7- و هنا تأتى مرحلة اتخاذ قرار من اثنين و هما :

ا- وقف الاعمال و سحب السلك بعد الانتهاء من التشطيب

خوفا على سرقة الاسلاك بعد سحبها عن طريق احد العمال

 او المقاولين  , و عندها يجب ان يقوم المقاول بالاتى:

 1- سحب شداد خيط فى جميع المواسير عوضا عن السلك و ذلك لضمان

عدم انسداد اى ماسورة يصعب اصلاحها بعد التشطيب .

2- سد جميع العلب و مخارج المواسير بقطع من ورق الشكاير

و احكامها و ذلك لتجنب دخول محارة داخلها فيحدث انسداد بها .

ب-  اكمال الاعمال و سحب الاسلاك بأنواعها و بالسمك

 المخصص لكل مخرج و فى جميع المخارج.

ملحوظه

عند #أختيار #السلك في الغالب يكون نوع معتمد من الأنواع المتداولة بالسوق. 

يكون سلك الإنارة والبرايز العادية 2 ملم2

يفضل سلك برايز القوي والسخان 4ملم2

سلك التكيف من 4 الي6 ملم 2 حسب قدرة المكيف.

سلك الإنترنت (ار جي 6 سويدي —كات 6).

سلك الدش (دريك— زيمو — اسباني) 

- اساسيات التخطيط لبند الكهرباء و #الإضاءة :-

التخطيط لبند الكهرباء والإضاءة يكون على لوحات الفرش المعمارية وأماكن الاجهزة مع تصور للإضاءة

الصالات :- 

تحديد أماكن الشاشات و ارتفاعها ليتمكن  الفني من وضع توصيلات الدش والكهرباء خلفها


#الغرف :- 

مفاتيح الانارة بجوار باب الغرفة ، بريزة عادية بجوار التسريحه ، 2 بريزة عادية بجور الكومود

في حالة وجود مكتب في غرفة الاطفال يجب وضع بريزة عادية تستخدم لتوصيل الكمبيوتر او اباجورة او حتي شحن الموبايل

بعض الاجهزة اللي ممكن تكون موجودة في غرفة النوم

تكييف ، تلفزيون ، تليفون و  الروتر كتاسيس كهرباء و تيار خفيف .

و استخدام لقم الديفتير مهمه جدا داخل غرف النوم والطرقات داخل الشقة

( بمعني أني ممكن أضئ الغرفة من عند الباب وأغلق الإضاءة بجانب السرير ).


#المطبخ:-

يجب مراعاة ارتفاع الوحدة السفلية و الرخام  و تاسيس برايز الكهرباء على محيط منطقة رخام المطبخ كل 1م و تكون مزدوجه على ارتفاع 1.2 من التشطيب غالبا او حسب رؤية المصمم و الديكور..

 توزيع الأجهزة العالية : الثلاجة و الديب فريزر و الشفاطات الراسية و الافقية و اضاءة وحدة المطبخ نفسها و الميكرويف و الفرن الكهربى.

الأجهزة ذات منسوب تاسيس منخفض : الغسالات و الفلتر و البوتوجاز و الأفران و مبردات المياه.


#الحمام:-

مفتاح الاضاءة ، بريزة عادية لمراية الحمام و اخري للشفاط، بريزة قوي للسخان و احيانا بريزة للغسالة حسب المعمارى.

ملحوظة 

(لا يسمح بأي مواسير أسفل أرضية الحمام والمطبخ) . 

- معلومات هامة عند تجهيز الفراغات للكهرباء والإضاءة:-

ان كان هناك رغبة لتعديل او عمل شبكة كهرباء جديدة تماما حسب الرغبات الشخصية , فهذه بعض المعايير و النصائح التصميمية و التى سوف تساعدك فى ذلك , التخطيط قبل التنفيذ  . 

و لكن يجب العلم ان هذه النقاط غير الزاميه العمل بها فيمكن تغير ارتفاعات و اماكن المخارج حسب رؤية المصمم او المالك اذا رأى افضل من ذلك .

1- ارتفاع العلب و المخارج الشائع:

  ا-  علبة برايز عادية على ارتفاع منخفض (فيشة كهرباء - مخارج التليفون و الانترنت او دش ): 40 سم من مستوى التشطيب .

ب-  علبة مفاتيح الانارة : 110 سم او 120 سم من التشطيب

 ج-  علبة برايز عادية فوق او خلف ترابيزات جانبية او كومود : (فيشة كهرباء - مخارج التليفون و الانترنت او دش ) و يكون ارتفاعها حسب ارتفاع الوحدة او حسب الرغبة.

 د- علبة برايز او تليفون او انترنت ارضية : تكون علب في الارض و عازلة للماء فى المواضع التى تتطلب مخارج و بعيدة عن الحائط , مثل تربيزة جانبية للصالون بعيده عن الحائط .

ح - لوحة التوزيع : على ارتفاع 180 سم غالبا , و تكون خلف باب الشقة او بجانبه او مقابله له .

ط - الانارة الحائطية " الاباليك " : 180 سم غالبا من التشطيب .

2-  فى حالة الرغبة فى اضافة وحدات اضاءة فى الاسقف او تغير اماكنها الاصلية , يجب تجنب فتح طرنشات فى الاسقف الخرسانية , فيكون الحل الافضل هو عمل سقف صناعى و تثبيت خطوط الاضاءة الجديدة على الخرسانة بدون تكسير .

3- يفضل ضبط اماكن البرايز و المفاتيح الموجودة على اسطح سيراميك مثل المطابخ و الحمامات على ان تكون ذات علاقة هندسية بالبلاطة او لحامات السيراميك حيث يمكن ضبطها رأسياً و افقياً مع اقرب لحام دون وضعها عشوائيا .

4- هناك نظام مفاتيح اضاءة تسمى الدفياتورى  و هو نظام يعطى قابلية التحكم فى وحدة اضاءة من اكثر من موضع , مثل لمبة ممر مدخل شقة يمكن اضاءتها عند دخول الممر و اطفائها من اخر الممر , لذا يجب اخبار الكهربائى عند الرغبة اثناء التأسيس و ليس التشطيب .

استلام اعمال الكهرباء

1- التأكد من وجود جميع المخارج المطلوبة و فى اماكنها المحددة .

2- التأكد من سريان التيار فى جميع المخارج باستخدام مفك تيست او وحدات اضاءة .

3- التأكد من عمل جميع قواطع التيار فى لوحة التوزيع .

4- يفضل التأكد من عمل مخارج التليفون و الدش و الانترنت ان امكن .

 5- فى حالة عدم سحب السلك , يجب التأكد من وجود شداد فى جميع المخارج و انه قد تم سد فتحات المواسير منعا لإنسدادها .

6- التأكد من ان المواسير المثبتة فى الارض هى اقل من منسوب التشطيب ب 5 سم على الاقل .

بعض الأجزاء منقول من صفحة مهندس سعيد محمد

أضافات للتشطيب. 

كشاف طواريء ف كل اوضه والحمامات والمطبخ 

وصلة. #USB مع كل فيشه تشحن بيها بدون راس الشاحن 

مفتاح ديفتوري جنب السراير 

والاهم من ده كله تصميمك لاماكن الفرش الاول هيخليك تعرف محتاج ايه ف كل مكان 

فيش كتير ف المطبخ عشان الاجهزه 

الفيش ف غرف النوم تكون بمحاذاه الكومود والمكاتب عشان الكمبيوترات 

مخارج دش ف كل غرفه ووصلة تليفون حتى لو مش هتركب ف الوقت الحالي 

مفتاح التكييفات يكون منفصل ونايم 

اعرف اماكن خراطيم الكهرباء واتجهاتها ع الحيطان عشان لما تيجي تركب تابلوهات بعدين 

زرار ماتور الميه يكون ف المطبخ او ف الحمام جنب القعده

التلاجه والديب فريزر خلي ليهم خط لوحده عشان لو حبيت تسافر وتفصل كهربة البيت كله ماعدا دول 

خلي انارة الاوض وورم وابيض تتحكم فيهم براحتك وورم مثلا بالليل وعند النوم وابيض عند المذاكره.